XOG: Lafta-gareen oo Aqbalay Dalabkii Farmaajo & Qorshaha cusub ee Doorashada Aqalka sare

Madaxweynaha K/galbeed Cabdicasiis Xasan Maxamed Lafta-gareen ayaa wada qorshe uu ku bilaabayo doorashada Baarlamaanka gaar ahaan mida Aqalka sare, waxaana la leeyahay doorashadan waa ay ka lacag badan tahay tii hore.

Lafta-gareen oo shalay ku noqday Baydhabo wuxuu noqonayaa Maamulka Koofur Galbeed uu noqonayo maamulkii u horreeyay ee bilaaba doorashada Aqalka Sare, sababta safarka Madaxweyne Lafta Gareen qeyb ka tahay bilaabida doorashada.

Madaxweyne Lafta Gareen ayaa qaatay door dhex dhexaadin ah, kaddib markii uu habeen hore la kulmay Midowga Musharaxiinta, si loo xalliyo tabashooyinka jira,

Ilo ku dhow dhow Madaxweynaha Koofur Galbeed ayaa sheegaya inuu xiriiro la sameeyay Madaxweynayaasha Puntland iyo Jubbaland, waxaana dad uu la hadlay laga soo xigtay inuu yiri in meel wanaagsan u marayaan dadaalada uu wado.

Xubno u taagan Aqalka sare oo ku kala sugan Muqdisho iyo Baydhabo ayaa maalmaha soo aadan ku laabanaya magaaladaas si ay uga qeyb galaan Doorashada uu muranka hareeyay.

Warar aan helnay ayaa sheegaya in musharaxiinta qaar ee aan ku xirneyn Villa Somalia ay ka baqayaan in lacagna uga baxday soona bixi waayaan.

Madaxweyne Farmaajo oo doonaya inuu Kursiga ku soo laabto ayaa sameynaya wax kasta oo u suurta gelinaya sidii uu u soo noqon lahaa, waxaana laga cabsi qabaa in doorashada Khatar amni horseedo.